Borgarferð um Madrid

Eftir að hafa fengið okkur að borða á Plaza Mayor skunduðum við niður að hóteli til að fara í borgarferð með Kristni R. Ólafssyni. Við fórum vítt um borgina og fengum ýmsan fróðleik frá Kristni, auk þess hann var með skyndipróf í sífellu og spurði okkur út úr um spænska kónga.

Minnismerki um borgarastríðið
Debod-hofið, Egyptar færðu Spánverjum það að gjöf 1968 í þakkarskyni fyrir hjálp þeirra við að bjarga fornum mannvirkjum í Egyptalandi. Hofið var reist til heiðurs Isis og hófust framkvæmdir við það 2 öldum fyrir krists burð. Hofið var endurreist í Madríd og opnað fyrir gestum 1972.
Konungshöllin, Palacio Real de Madrid, og Almudena dómkirkjan, Santa María la Real de La Almudena

Spænski leiðsögumaðurinn gætti þess að Kristinn segði satt og rétt frá, fékk reyndar ekki sæti í rútunni.