Dagur 2: Horn - Látravík
Sunnudaginn 15. júlí var ákveðið að taka smá hring og labba í gegnum Almenningaskarð yfir í Hornbjargsvita og svo heim aftur í gegnum Kýrskarð. Gangan gekk vel, veður var ágætt og gott að ganga yfir í Látravíkina, leiðin stikuð um leið og komið var upp í skarðið en ekkert í Innstadal. Svolítið erfiðara að fara yfir Kýrskarðið, leiðinlegri slóð, en allt vel stikað. Upp í Kýrskarðinu var ákveðið að fara upp á klettavegg milli Kýrskarðs og Hestskarðs. Þar nutum við útsýninsins og drekka kakó. Á leiðinni niður úr skarðinu var tekin stefna á Innstadal þegar við vorum í 200 metra hæð í stað þess að fara niður að Kýránni. Annar ferðafélaginn hélt að við kæmust niður hjá Steinþórsstandi en svo reyndist ekki vera, hinn hélt að við gætum komist í Innstadal í gegnum klettabelti, hvorugur hafði rétt fyrir sér og ekki hlustað á þá framar. Við fórum aftur upp og héldum sem leið lá í Innstadalinn.
Gangan var 17,5 kílómetrar og tók 7 klukkustundir og mesta hækkun var 540 metrar.
Read MoreGangan var 17,5 kílómetrar og tók 7 klukkustundir og mesta hækkun var 540 metrar.
