Útivist fór og gekk upp með Grímsá 28. október 2012. Gangan hófst skammt frá Oddstöðum og var gengið sunnan megin við ánna. Var stoppað við hvern foss, þó svo ekki hafi alltaf verið ljós munurinn á flúðum og fossum. Eitthvað er málum blandið hvar hver foss er, en fararstjórinn gerði sitt besta við að lesa úr þeim gögnum sem hann hafði aflað sér. Þegar komið var að Selfossi var stefnan sett í hásuður og yfir hjá Reykjaborg að Reykjum þar sem Sæmundur á rútunni beið okkar þolinmóður.