Útvist fór í dagsferð 3. febrúar eftir Norðurá. Upprunalega átti að labba frá Hólmavaði, en ákveðið var byrja við Hreðavatnsskála til að fá vindinn í bakið. Ferðin var bæði göngu og gönguskíðaferð. Við lögðum af stað um hálf tólf. Gönguskíðafólkið fór sína leið, en við löbbuðu eftir þjóðveginum og fundum slóða niður að ánni. Gönguhraðinn var góður til að byrja með, en þegar við vorum komin niður að ánni fór að versna í því. Við sukkum í snjóinn og þurftm að fyrir því að komast áfram. Klukkan eitt var hádegismatur og hlömmuðun við okkur niður við Glanna og borðuðum samlokur og fengum súkkulaði hjá fararstjóranum. Við gengum að mestu leitir í förum gönguskíðafólksins, en það hjálpaði lítið. Loforð fararstjórans um ís í Baulu dró okkur þó áfram. Um hálf fjögur ákváðum við að koma okkur á veg, en þá vorum við við veiðihúsið. Við komum upp á veg við Laxfoss og kom Sæmundur og náði í okkur þar um hálf fimm.

Við gengum átta og hálfan kílómetra á fimm klukkustundum. Fararstjórinn gjafmildi var María Berglind Þráinsdóttir.