Sunnudaginn 9. mars mætti ég galvaskur niður á BSÍ. Ég ætlaði í gönguferð með Útivist, annan hluta raðgöngunnar Ölfus-Sog. Það voru fáir í biðsalnum hjá BSÍ. Við náðum ekki 10 manna lágmarkinu og var formlegri ferð aflýst. Við röðuðum okkur engu að síður í tvo einkabíla og héldum austur eftir. Hópnum var skutlað út við Sandhól og héldum við af stað þaðan. Bílstjórarnir fóru með bílana á Selfoss þar sem þeir þriðji bíllinn beið. Tveir bílar voru svo skildir eftir. Við gengum eftir þjóðvegi 375 niður að Ölfusá. Þaðan gengum við upp eftir ánni, stoppuðum í Ferjunesi og fengum okkur nesti. Við fórum yfir allnokkrar snjóbrýr til að komast yfir áveituskurði og fórum framhjá illalyktandi svínabúi áður en við héldum upp á Árbæjarveg. Við réðum ráðum okkar á Olís-stöðinni á Selfossi og ákváðum svo að halda í Stóra-Helli. Héldum svo til baka að Olís-stöðinni og keyrðum heim. Við fórum því ekki alla leið að Þrastalundi eins og planað var.

Við gengum 19,3 kílómetra á sex og hálfri klukkustund.