Útivist fór fararstjóraferð á Strútstígnum síðustu vikuna í júni. Við héldum upp frá Hólaskjóli og gengum fyrsta daginn í Álftavötn, þegar þangað var komið var farið í smá kvöldgöngu í nágrenni skálans. Næsta morgun fórum við frá Álftavötnum yfir Álftavatnakrók, í gegnum Eldgjá og meðfram hlíðum Svartahnúkafjalla. Þar skiptumst við á að leiða hópinn, tvö og tvö saman. Við þurftum að velja góða leið í landslaginu og vita hvar við værum stödd. Við böðuðum okkur í Strútslaug og héldum svo í Strútsskála. Á þriðja degi vöknuðum við snemma og héldum í Hvanngil, við þurftum að ná rútu sem átti að taka hóp þaðan. Þetta gekk afbragðsvel og í Hvanngili var okkur boðið upp á að kaupa þessar fínu vöfflur með sultu.